Gruaja gjendet e vdekur në banesë, zjarrfikëset hynë nga dritarja

19:32 | 30 Maj 2018
Arbresh.info

Një e moshuar është gjetur e pajetë brenda banesës së saj në qytezën e Patosit.

Viktima është shtetasja me iniciale N.M., 74 vjeç.

Forcat zjarrfikëse u deshën të hynin në ndërtesë nëpërmjet dritares në katin e tretë të pallatit 5 katesh në lagjen “1 Maji”.

Hyrja nga dera e banesës ishte e pamundur, pasi dera ishte e mbyllur nga brenda. Zjarrfikësit përdorën shkallët për të hyrë në banesë.

“Në datën 30.05.2018, rreth orës 18:35, në lagjen “1 Maji” Patos, është gjetur nga banorët e pallatit e vdekur në banesën e saj ku jetonte e vetme shtetasja N.M, 74 vjeçe.

Paraprakisht dyshohet se vdekja ka ardhur nga shkaqe natyrale.

Nga kqyrja paraprake në trupin e viktimës nuk janë konstatuar shënja dhune.

Grupi hetimor po punon për zbardhjen e plotë të rrethanave të ngjarjes”, njoftoi Policia./syri.net

Shpërndaje në rrjete sociale

Lajmet më të lexuara

Të ngjashme

Foto lajm